жаттығу атыс аспаптары мен құралдары

(Учебные стрелковые приборы и пособия)

атыс негіздерін, атыс қаруының материалдық бөлігін жақсы игеруге, сондай-ақ дәлдеп атуға үйретуге арналған құралдар мен аспаптар. Олар атыс дайындығы сабақтарында қолданылады. Мақсатына қарай Ж.а.а.қ-н бірнеше түрге бөлуге болады: 1) аспап-құралдар: ұрыс және жаттығу дүрбілері, перископтар, қару жабдықтары және басқалар. Олар атыс дайындығының барлық бөлімдерін меңгеру үшін қолданылады және көрнекі құралдың негізгі түрі болып табылады; 2) көлемді көрнекі құралдар: қару макеттері, оның кейбір бөліктері мен механизмдерінің, көздегіштер мен бақылау құралдарының макеттері, үлгілері, нысана тұлыбы, шағын көлемді полигондар, т.б.; 3) бейнелеуіш көрнекі құралдар: плакаттар, сызбалар, фотосуреттер, көріністер, т.б.; 4) жарықтандырғыш құралдар мен көрнекіліктер: фильмоскоп, кинопроектор, эпидиаскоп, түнгі атыс экраны, жарық елестеткіш, т.б.; 5) жаттығу атыс құралдары: нысанаға бағыттау мен атыс жүргізуде қарудың қалпын реттейтін атыс құралдары: ортоскоптар, бүйірден көздеу, көздеуші станоктар, атыс тренажер-лері, пантографтар, т.б.; 6) атыста, жаттығу алаңында немесе атыс қалашығында жағдай жасауға қажетті құралдар мен қондырғылар: жаңадан көрінетін немесе қозғалыстағы нысананы көрсетуге арналған нысана қондырғысы, елестеткіштер, тасымалы жергілікті заттар және басқалар.